2025-жылдын 17-мартында Талас облусунун ыйгарым укуктуу өкүлчүлүгүнүн жыйындар залында жана Бакай-Ата, Талас, Манас, Айтматов райондорунун жыйындар залдарында электр энергиясынын тарифтери боюнча түшүндүрүү иштери өткөрүлүүдө.
Жыйындарда Кыргыз Республикасынын энергетика министрлигинин өкүлдөрү, Энергетика министрлигине караштуу Отун-энергетикалык комплексин жөнгө салуу департаментин жана Кыргызстан улуттук электр тармагынын кызматкерлери катышып, калкка жаңы тарифтик саясат жөнүндө маалымат беришүүдө.
Жолугушуунун жүрүшүндө энергетика тармагынын кызматкерлери жаңы токтом долбооруна киргизилип жаткан сунуштар, энергетикалык тармактагы көйгөйлөр жана электр энергиясынын балансы тууралуу презентациялар көрсөтүүдө.
Ошондой эле, катышуучуларга акылдуу эсептегичтерди алмаштыруунун шарттары жана башка маанилүү маселелер боюнча суроолорго жооптор берилүүдө.
Түшүндүрүү иштери 2025-жылдын 17-18-март күндөрү Талас облусунун бардык аймактарында өткөрүлдү.
