Биздин адистер
14 Январь 2025 ж.
«КУЭТ» ААКнын филиалы - Талас электр тармактар ишканасынын Сатып алуулар жана камсыздоо бөлүмүндө инженери - Абылгазиев Уран Султангазиевич
Кичинекей кезинен энергетик болууну кыялданып, бүгүнкү күндө өзүнүн сүйгөн ишинде көптөгөн ийгиликтерге жетишкен, Талас электр тармактар ишканасынын кесипкөй инженери, 11 жылдан ашуун убакыттан бери энергетика тармагында иштеп келе жаткан Уран Абылгазиев энергетика тармагында иштеп, бул тармактагы кызматы менен коомго пайда алып келүүгө жана өсүүгө умтулат.
Ал 1990-жылы туулган. 2012-жылы Кыргыз мамлекеттик техникалык университетин аяктап, 2014-жылы Талас электр тармактар ишканасынын Талас райондук электр тармагында инспектор болуп ишке орношкон. 2015-жылы автоматташтырылган башкаруу системалары боюнча инженер болуп кызмат өтүп, 2016-жылдан тартып ремонт цехинде электр эпкер, андан соң Сатып алуулар жана камсыздоо бөлүмүндө инженер болуп ишин уланткан.
Анын иши негизинен электр жабдыктарын, анын ичинде трансформаторлор, аба чубалгылары, мамычалар жана башка маанилүү жабдыктарды жеткирүүгө багытталган.
Уран Султангазиевичтин кесиптик чеберчилиги жана ишке болгон чын жүрөктөн берилгендиги аны өз тармагынын мыкты адистеринин бири кылып чыкты. Биздин командада анын сыяктуу адистердин бар экени менен сыймыктанабыз!
