Энергетика министри Таалайбек Ибраев Талас электр тармактар ишканасынын кампадагы күз-кыш мезгилине карата көмөк чордон, трансформатор жана башка техникаларды оңдоп-түзөө үчүн керектүү материалдарды жана алардын сапаттарын текшерди.
Андан тышкары, Талас электр тармактар ишканасынын кызматкерлери менен баарлашып, алардын көйгөйлөрүн жана сунуштарын укту. Акыркы мезгилде акылдуу эсептегичтерди коюу жана "Мой свет" тиркемеси менен кардарлар электр энергиясына төлөм кылгандыктан, төлөмдөрдү кабыл алган инспекторлорду башка кызматтарга сунуштап которуу тапшырмасы берилди.
Ошондой эле, Талас электр тармактар ишканасынын базасындагы спорт залдын абалы менен таанышып, энергетиктердин жумуштан кийин спорт менен машыгуусу үчүн спорт залдын ичин жаңыртуу жана кийинүүчү жайы, жуунучу жайды оңдоодон өткөрүүнү тапшырды. Бул иштер жаңы жаш энергетиктерди ишке болгон кызыгуусун арттыруу жана ишке тартуу үчүн чоң өбөлгө болоорун белгиледи.
Мындан тышкары, Талас облусунун Манас районунда жайгашкан «Бала-Саруу» ГЭСинин ачылыш аземине карата даярдык иштеринин акыркы этаптары менен жана 110/10 кВ «Покровка», «Кара-Арча» көмөк чордондорунун реконструкциялоо иштеринин жүрүшү менен таанышып өттү.
