Энергетика министри Таалайбек Ибраев Талас облусуна иш сапары менен барып, Бакай-Ата, Талас, Манас, Айтматов райондук электр тармактарынын 2024-2025-жылдагы күз-кыш мезгилине карата жүргүзүлүп жаткан даярдык иштерин текшерди.
Иш сапардын алкагында министр Бакай-Ата, Айтматов жана Манас РЭТинин кызматкерлери менен жолугуп, энергетика тармагындагы айрым чечилбеген маселелерди, энергетиктердин айлык маянасын талкуулады.
Мындан тышкары РЭТтердин имараттарын текшерип, энергетикалык жаблуударды сактоочу кампаны калыбына келтирүү, имрататтын сырткы көрүнүшүн оңдоп-түзөөдөн өткөрүү керектигин баса белгилеп, тийиштүү кызматкерлерге тапшырма берди.
Ошондой эле министр өз сөзүндө РЭТтин жетекчилерине 2024-2025-жылдагы күз-кыш мезгилине болгон даярдык сапаттуу жана өз убагытда аткарылыш керектигин эскертти
