Бүгүн, 28-апрель күнү “Кыргызстан улуттук электр тармагы” ААКнын филиалы – Талас электр тармактар ишканасында Бүткүл дүйнөлүк эмгекти коргоо күнү белгиленди.
Иш-чаранын жүрүшүндө эмгек коопсуздугун камсыз кылуу, өндүрүштүк жаракаттарды алдын алуу жана кызматкерлердин ден соолугун сактоо маселелерине өзгөчө көңүл бурулду. Ошондой эле коопсуздук эрежелерин так сактоонун маанилүүлүгү баса белгиленди.
